Бөтә яңылыҡтар
Сәләмәт булайыҡ
23 Май 2022, 19:00

Табынға - үҙебеҙ бешергән перәник

Сәйегеҙ тәмле, кистәрегеҙ йәмле булһын!

Табынға - үҙебеҙ бешергән перәник
Табынға - үҙебеҙ бешергән перәник

Бер стакан шәкәр, ике йомортҡаның һарыһын, береһенең ағын, бер аш ҡалағы бал, өс аш ҡалағы үҫемлек майы, бер сәй ҡалағы сода, ике стакан ярым он, 350 миллилитр кефир алабыҙ.

Крем өсөн - бер йомортҡаның ағы, өс аш ҡалағы шәкәр.

Бер йомортҡаның ағын айырып алып, шәкәр менән бергә туғып крем эшләйбеҙ. Ҡалған йомортҡаға бал, шәкәр, кефир, үҫемлек майы ҡушып, һәйбәтләп бутайбыҙ, уға он өҫтәп, ҡамыр баҫабыҙ. Соданы кефирға һалабыҙ. Әҙер ҡамырҙы йәйеп, стакан менән киҫәбеҙ. Духовканы 180-200 градусҡа тиклем йылытып, 25 минут бешерәбеҙ. Шунан перәниктәрҙе алып крем һылайбыҙ ҙа тағы ла ун минутҡа духовкаға ҡуйып алабыҙ. 

Сәйегеҙ тәмле булһын!

Фото: povar.ru

Автор:Рисаля Юмагулова
Читайте нас в