Көҙ эре һарымһаҡ йыйып алам тиһәң...

Өҙөп алған уҡтарҙы ташларға ашыҡмағыҙ. Уларҙан ҡышҡылыҡҡа бик файҙалы тәмләткестәр әҙерләргә була. Ваҡ итеп турап, банкаға ныҡ итеп тултырып, шул көйө һыуытҡысҡа ултыртырға мөмкин. Ҡыш көнө уны рәхәтләнеп ҡулланаһың, ашҡа һалырға ла була. Ә бына унан эшләнгән пастаны барыһы ла ярата. Уны эшләү өсөн һарымһаҡ уҡтарын өлөштәргә турап, блендерҙа ваҡларға кәрәк. Килеп сыҡҡан массаға тәменә ҡарап бер аҙ тоҙ һәм ике-өс аш ҡалағы көнбағыш майы ҡушырға кәрәк. Тик быларҙың барыһын да һалҡын урында йәки һыуытҡыста һаҡлау талап ителә.

Фото: evgcook.ru