Сабыйҙарға ла, өлкәндәргә лә ярҙам итә

Ауылда фельдшер – икеләтә ҙур яуап­лылыҡ талап иткән һөнәрҙәрҙең бе­реһе, сөнки, сер түгел, бер үк ва­ҡытта уларға педиатр ҙа, терапевт та, күҙ табибы ла булырға тура килә.

Белорет медицина училищеһын тамамлағандан һуң, Зәйтүнә Рахадил ҡыҙы Мусина Абҙан фельдшер-акушерлыҡ пунктына эшкә килә. Артабан бер аҙ Силәбе өлкәһенең Ҡатау-Ивановск ҡалаһындағы балалар баҡсаһында шәфҡәт туташы булып эшләп ала ла йәнә Абҙанға фельдшер булып ҡайта.

Ул – грамоталы, ярҙамсыл белгес. Башҡортостандың Һаулыҡ һаҡлау министрлығының почет грамотаһы, Рәсәйҙең Һаулыҡ һаҡлау хеҙмәткәрҙәре профессиональ союзының иҫтәлекле миҙалы менән наградланған.

Фото: Зәйтүнә Мусинаның шәхси архивынан.