Бер кешенең ғүмере өҙөлгән

Башҡортостан Һаулыҡ һаҡлау министрлығының матбуғат хеҙмәте хәбәр итеүенсә, 28 июлдә республикала коронавирус менән сирләүҙең 63 осрағы теркәлгән. 96 кеше COVID-19-ҙан стационарҙа дауалана. Уларҙың 67-һе – 60 йәште үткәндәр. 20 сирле яһалма тын алыу аппаратына тоташтырылған. 300, шул иҫәптән 90 оло йәштәге кеше өйҙә дауалана.

Үткән тәүлектә 45 кеше, коронавирус инфекцияһынан дауаланып, өйөнә ҡайтарылған. Ҡыҙғанысҡа ҡаршы, берәүҙең ғүмере өҙөлгән.

Башҡортостанда 9400 кеше вакцинация үткән. Барлығы 2 987 354 граждан (120,2 процент) коронавирус инфекцияһынан вакцинаның беренсе компонентын эшләткән. 2 789 680 кеше (112,2 процент) прививкалауҙы тулыһынса үткән.

Өлкән йәштәгеләргә килгәндә, 893917 кеше вакцинаның беренсе компонентын яһатһа, икенсеһен - 828 097 граждан. Вакцинаның тәүгеһен эшләткән балалар һаны иһә - 8740. Икенсе компонентты 7 896 бала яһатҡан.

Республикала йәшәгән 687472 ревакцинация эшләткән.

Фото: medboli.ru