“Сәләмәтлек поездары” һеҙҙе көтә!

“Сәләмәт республика– сәләмәт төбәк” акцияһы республикала эшен дауам итә.  Ул Башҡортостандың бөтә райондарын да үҙ эсенә ала, ауылдаштар медицина тикшереүен үтә һәм тәүге медицина ярҙамын алыу мөмкинлегенә эйә. Акция башланғандан алып 104 меңгә яҡын кеше тикшеренеү үткән.

 Бригадалар эштәрен алты районда графикка ярашлы дауам итә:

Өфө маршруты Благовар районында эш башлай (15-16 августа Пришибта, 17-18 августа Иҫке Күсәрбайҙа, 19-22 августа Таңда);

Дыуан маршруты Дыуан районында эшен дауам итә (14-18 августа Ярославкала, 19-20 августа Вознесенкала, 21-22 августа Таҙтүбәлә);

Нефтекама маршруты Дүртөйлө районында эш башлай (16-17 августа Эңгәсәктә, 18-19 августа Миәҙәктә);

Октябрьский маршруты Әлшәй районындаэшен тамамлай (15-16 августа Себенлелә, 17-19 августа Ҡырымда);

Стәрлетамаҡ маршруты Күгәрсен районында эшен тамамлай (15-16 августа Мәҡсүттә) һәм Ейәнсура районында эш башлай (17-19 августа Байышта);

Белорет маршруты Хәйбулла районында эшен тамамлай (15-17 августа Бүребайҙа, 18-19 августа Өфө ауылында).

Белгестәргә алдан яҙылыу кәрәкмәй, сират менән ҡабул итәсәктәр.

Фото: Һаулыҡ һаҡлау министрлығы.