"Балнис"ығыҙ оҡшамаһа, алмаштырығыҙ!

Яңыһына йылына бер тапҡыр беркетелергә мөмкин (күсеп китеү осраҡтарынан тыш).

Яңы поликлиникаға беркетелеү өсөн:
- һайлаған медицина ойошмаһына яҙма ғариза менән мөрәжәғәт итергә;
- мотлаҡ медицина страховкаһы полисын һәм паспортты килтерергә кәрәк.

Поликлиниканы алмаштырыу сәбәбен күрһәтеү мотлаҡ түгел. Әгәр поликлиника тулы һәм урын юҡ икән, һеҙҙең мөрәжәғәтте кире ҡағыуҙары ихтимал. Ризалыҡ алһағыҙ, бер нисә көндә һеҙҙе яңы поликлиникаға беркетәсәктәр.

Медицина картағыҙҙы яңы ойошмаға һеҙҙең ҡатнашлыҡтан тыш килтерәләр. Командировкаға йәки отпускыға киткәндә башҡа поликлиникаға беркетелеү мотлаҡ түгел.

Мотлаҡ медицина страховкаһы полисы буйынса һеҙгә Рәсәй Федерацияһының барлыҡ биләмәһендәге теләһә ҡайһы дәүләт медицина ойошмаһында ярҙам күрһәтеләсәк.