Бәшмәк менән һаҡ бул!

"Роспотребнадзор"ҙың Башҡортостан буйынса идаралығынан белдереүҙәренсә, йыл башынан республикала бәшмәктән 17 кеше ағыуланған. Уларҙың береһе бәлиғ булмаған бала.

"Бәшмәк менән ағыуланыуҙың төп сәбәбе - ашарға яраҡлы һәм ағыулы бәшмәктәрҙе таный белмәү, ҡайһы бер ашарға яраҡлы һәм шартлы ашарға яраҡлы бәшмәктәрҙән аш-һыуҙы дөрөҫ әҙерләмәү. Шулай уҡ дөрөҫ әҙерләнмәгән йәки боҙолған бәшмәктәр ағыуланыуға сәбәпсе булыуы мөмкин. Бер ҡасан да маринадланырға йәки бәшмәкте цинкланған һауыт-һабала тоҙларға ярамай», - тип белдерә "Роспотребнадзор" белгестәре.

Бәшмәкселәр өсөн иң ҡыҙыҡ мәл башланып тора, шуға күрә бәшмәк йыйғанда бик һаҡ булығыҙ, ашарға яраҡлыларын ғына белеп һайлағыҙ.

Фото: mo.tsargrad.tv