Коронавирус сигенә башланы

Бөгөн Хөкүмәттең аҙналыҡ кәңәшмәһендә республиканың һаулыҡ һаҡлау министры вазифаһын башҡарыусы Азат Рәхмәтуллин коронавирусҡа бәйле һуңғы яңылыҡтар менән таныштырҙы.

Әле Башҡортостанда коронавирус инфекцияһы менән ауырыуҙың 324 185 осрағы теркәлгән, һуңғы тәүлектә – 380. Һуңғы ете көндә сирләү кимәле ете процентҡа кәмегән.

Инфекция госпиталдәрендә 580 урын әҙерләнгән, буш койка фонды 26 процент тәшкил итә.

Вакцинацияны тулыһынса 3 132 770 кеше тамамлаған. 895 606 кеше ревакцинация үткән, ул пландың 63 процентын тиерлек тәшкил итә.

– Күреүебеҙсә, сир кәмей башланы, был бик һәйбәт, – тине Радий Хәбиров.

Әле стационарҙарҙа 254 пациент дауалана, 178 кеше – 60 йәштән өлкәнерәк. 16 кеше ауыр хәлдә, берәү үпкәне яһалма елләтеү аппаратына тоташтырылған. 4145 кеше өйҙәрендә дауалана. 361 кеше һуңғы тәүлектә шәбәйгән.

Фото: "Бәйләнештә".