Ковид сигенмәй

Башҡортостандың Һаулыҡ һаҡлау министрлығы мәғлүмәттәренә ҡарағанда, 12 октябрҙә республикала коронавирус менән сирләүҙең 269 осрағы теркәлгән.

Әле медицина учреждениеларында 245 кеше ковидтан дауалана. Уларҙың 160-ы 60 йәштән өлкәнерәк. 13 кеше ауыр хәлдә, икәү яһалма тын алыу аппаратына тоташтырылған. 3896 сирле өйҙә дауалана, уларҙың 1169-ы – оло йәштәгеләр.

Бер тәүлектә 368 кеше дауаханан һауығып сыҡҡан.

Башҡортостанда коронавирустан вакцинаның беренсе компонентын 348197 граждан (134,6 процент) яһатҡан. 3 138 407 кеше прививканы тулыһынса эшләткән. 898 280 граждан ревакцинация яһатҡан.

Ковид бөтмәне, башҡа миҙгел сирҙәре лә “һағалай”. Сәләмәтлегегеҙгә һаҡсыл ҡарағыҙ, ауырымағыҙ.

Фото: vyksavkurse.ru