“Тымау ҙа булдымы сир!” тип хаталанма...

Отоларинголог, юғары категориялы табип, медицина фәндәре кандидаты Владимир Зайцев беҙгә ғәҙәти генә тойолған тымауҙың сәләмәтлек өсөн хәүефле булыуын иҫкәртә. Уның әйтеүенсә, хроник тымау инфаркт йәки инсульттың сәбәбе булыуы мөмкин.

Хроник ринит, уңайһыҙлыҡ тыуҙырыуҙан тыш, баш мейеһенең насар елләтелеүенә килтерә. Кеше насар йоҡлай, хырылдау йонсота, хәлһеҙлек, баш ауыртыуы, апатия барлыҡҡа килә. Барыһына ла ваҡытында дауаланмаған тымау ғәйепле. Белгестең әйтеүенсә, хроник ринит кешене ғүмере буйы йонсотоуы ихтимал. Тымау тейеүенә ҡул һелтәп ҡарағанда, дауала­мағанда, ул аҙасаҡ, аҙаҡ һауыҡтырып булмауы ла ихтимал. Табиптың әйтеүенсә, танау бүлгеһе кәкрәйгән кешеләрҙә хроник тымауҙың һәм башҡа танау сирҙәренең йыш осрауы билдәле.

Динә АРЫҪЛАНОВА