Сир сигенә тип уйламағыҙ

Башҡортостанда коронавирусҡа бәйле һуңғы яңылыҡтар менән Хөкүмәттең оператив кәңәшмәһе барышында һаулыҡ һаҡлау министры Айрат Рәхмәтуллин таныштырҙы. Уның белдереүенсә, бөгөн республикала сирҙең яңы 283 осрағы теркәлгән.

229 пациент дауаханаларҙа ята, 35 кешене һуңғы тәүлектә килтереп һалғандар. 3436 кеше өйҙәрендә дауалана.

Федераль координация үҙәге мәғлүмәттәре буйынса, һуңғы аҙнала коронавирус инфекцияһы менән сирләү 13 процентҡа кәмегән. Башҡортостандың йоғошло ауырыуҙар госпиталдәрендә 460 урын әҙерләнгән, уларҙың 19 проценты буш.

Халыҡҡа профилактик медицина тикшереүе үткәреү дауам итә. Диспансеризациялауҙың беренсе этабын 816 574 кеше (пландан 79,1 процент) үткән, 185 393 кеше (80 процент) – профсмотр үткән һәм 275 456 кеше (71,1 процент) COVID-19-тан һуң өҙлөгөүҙәрҙе иҫкәртеү өсөн тәрән диспансеризация үткән.

Фото: ГорОбзор.