"Пациенттарының рәхмәте уларҙы ысын оҫта итә"

Башҡортостан Башлығы Хакимиәте етәксеһе Максим Забелин социаль селтәрҙәрҙә бөгөн аҡ халатлыларҙы бүләкләү тантанаһына бәйле кисерештәре тураһында яҙҙы.

"Коллега-табиптарға дәүләт наградалары тапшырыу ҡыуаныслы булды.

Табиптарҙың һәм шәфҡәт туташтарының бурысы график буйынса эшләүгә генә ҡайтып ҡалмай. Пациенттарға иғтибар, фиҙакәрлек, һиҙгерлек. Табиптарҙы кеше “рәхмәте” ысын профессионалдар итә, тип әйтергә мөмкин.

Тантаналы шарттарҙа Рәсәй Федерацияһы Президентының Почет грамоталары һәм Рәхмәт хаттары тапшырылды, "Рәсәй Федерацияһының атҡаҙанған табибы", "Рәсәй Федерацияһының атҡаҙанған һаулыҡ һаҡлау хеҙмәткәре" тигән почетлы исемдәр бирелде. Улар - Башҡортостан Һаулыҡ һаҡлау министрлығының 42 хеҙмәткәре", - тиелә яҙмала.

Фото Максим Забелиндың сәхифәһенән.