Иғтибар итегеҙ: поликлиникаларҙың эш графигы үҙгәрҙе

Башҡортостанда 7 декабрҙән алып тәүге медицина-санитария ярҙамы күрһәткән медицина ойошмаларының эш графигы үҙгәрҙе. Сәбәбе – республикала киҫкен респиратор вируслы инфекциялар һәм киҙеүҙең таралыуына бәйле, халыҡтың медицина ярҙамы алыу мөмкинлеген арттырыу.

Хәҙер ҡала поликлиникалары һәм поликлиника бүлексәләре дүшәмбенән йомаға тиклем иртәнге 8-ҙән 21.00 сәғәткә тиклем, шәмбелә шулай уҡ 8-ҙән 17.00 сәғәткә тиклем, йәкшәмбелә 8-ҙән 16.00 сәғәткә тиклем эшләйәсәк. Өйгә табипты, шулай уҡ кисектергеһеҙ ярҙамды дүшәмбенән йомаға тиклем 8-ҙән 20.00 сәғәткә тиклем, шәмбелә 8-ҙән 16.00 сәғәткә тиклем, йәкшәмбелә 8-ҙән 15.00 сәғәткә тиклем саҡыртырға мөмкин.

Коронавирустан вакцина ҡаҙатырға теләгәндәр дүшәмбенән йомаға тиклем иртәнге 8-ҙән 20.00 сәғәткә тиклем, шәмбелә шулай уҡ 8-ҙән 17.00 сәғәткә тиклем, йәкшәмбелә иртәнге 10-дан 15.00 сәғәткә тиклем үҙ поликлиникаһына килә ала. Шулай уҡ ауыл ерҙәрендә йәшәгән өлкәндәр вакцина яһатыу өсөн фельдшер-акушерлыҡ пункттарына, табиплыҡ амбулаторияларына, участка дауаханаларына раҫланған эш графигына ярашлы килә ала.

Балалар поликлиникалары дүшәмбенән йомаға тиклем иртәнге 8-ҙән 21.00 сәғәткә тиклем, шәмбелә 8-ҙән 17.00 сәғәткә тиклем, йәкшәмбелә 8-ҙән 16.00 сәғәткә тиклем эшләйәсәк.

Кисектергеһеҙ медицина ярҙамын дүшәмбенән йомаға тиклем иртәнге 8-ҙән 20.00 сәғәткә тиклем, шәмбелә шулай уҡ 8-ҙән 16.00 сәғәткә тиклем, йәкшәмбелә 8-ҙән 15.00 сәғәткә тиклем саҡыртырға мөмкин.

Республика медицина ойошмалары составындағы поликлиника бүлексәләре дүшәмбенән йомаға тиклем иртәнге 8-ҙән 18.00 сәғәткә тиклем, шәмбелә 8-ҙән 16.00 сәғәткә тиклем эшләй.

Ҡала поликлиникалары, ҡала һәм район дауаханалары, республика медицина ойошмалары составындағы ҡатын-ҡыҙҙар консультациялары дүшәмбенән йомаға тиклем иртәнге 8-ҙән 20.00 сәғәткә тиклем, шәмбелә 8-ҙән 17.00 сәғәткә тиклем ҡабул итә.

Ҡала һәм район дауаханалары составындағы стоматология поликлиникалары һәм бүлексәләре дүшәмбенән йомаға тиклем иртәнге 8-ҙән 20.00 сәғәткә тиклем, шәмбелә 8-ҙән 16.00 сәғәткә тиклем эшләй. Кисектергеһеҙ медицина ярҙамы тәүлек әйләнәһенә күрһәтелә.

Ял көндәрендә Һаулыҡ һаҡлау министрлығының колл-үҙәге эш башлаясаҡ (номеры – 122, өҫтәмә һан – 2). Шәмбелә сәғәт 8-ҙән – 16.00, ә йәкшәмбелә 14.00 сәғәткә тиклем шылтырата алаһығыҙ. Аҙнаның башҡа көндәрендә – иртәнге 8-ҙән 20.00 сәғәткә тиклем.

БР Һаулыҡ һаҡлау министрлығының матбуғат хеҙмәте.

Фото: news.myseldon.com