Дауаханаларға 18 машина юлланды

Башҡортостан Башлығы Радий Хәбиров социаль селтәрҙәге сәхифәһендә түбәндәгеләр тураһында хәбәр итте.

“Бөгөн дауаханаларыбыҙға 18 яңы “Ашығыс ярҙам” машинаһын тапшырҙыҡ. Икәүһе Өфөлә ҡаласаҡ – ашығыс медицина ярҙамы станцияһында һәм медицина һәләкәттәре үҙәгендә, ҡалғандары республика буйынса юлланасаҡ.

Уларҙы федераль бюджет аҡсаһына һатып алдыҡ. Һәр береһе барлыҡ мотлаҡ кәрәкле әйбер менән тәьмин ителгән. Дефибриллятор, ЭКГ-ны теркәй алған электрокардиограф, үпкә өсөн яһалма елләтеү аппараты һәм экстрен хәлдәрҙә кеше ғүмерҙәрен ҡотҡара алған күп нәмә.

2019 йылдан дауаханаларыбыҙ 169 "Ашығыс ярҙам" машинаһы алды, амбулатор звено өсөн - йәнә 178. Коронавирус сигенде, әммә медицина хеҙмәткәрҙәренә йөкләмә бик күп, бигерәк тә миҙгел эпидемияһы осоронда. Медицина ойошмалары автопаркын яңыртыу – бик мөһим эш, уны мотлаҡ дауам итәсәкбеҙ.

Барығыҙға ла сәләмәтлек!” - тиелә яҙмала.

Фото Р. Хәбировтың сәхифәһенән.