Ябай ғына йәшелсә тимәгеҙ...

Тәү ҡарамаҡҡа ябай ғына күренгән ҡыҙыл сөгөлдөрҙөң шифаһы бик ҙур. Был йәшелсә фолий, бор, марганец, магний, тимер, калий, органик кислоталарға бай. Ундағы С һәм В6 витаминдары күп сирҙәрҙең таралыуына юл ҡуймай.

Сөгөлдөр ашарға яратыусыларҙың ҡанында тимер күләме күтәрелә. Күрем циклы боҙол­ғанда ла уны туҡланыу рационына индереү кәңәш ителә. Был йәшелсәләге С витамины иһә тән тиреһен шымарта, ҡанды таҙарта. Тағы сөгөлдөр ашҡаҙан-эсәк юлы эшмәкәр­леген, матдәләр алмашыныуын көйләй, эс ҡатыуға юл ҡуймай. Был йәшелсә пектиндар организмда йыйылған токсиндарҙы, ауыр ме­тал­дарҙы, холестеринды сығарыуға булышлыҡ итә.

Айһылыу НИЗАМОВА