Бөтә яңылыҡтар
Сәләмәт булайыҡ
17 Февраль 2023, 13:06

Инфекцияны асыҡлауҙа ниндәй ысул иң ышаныслыһы?

health.bashkortostan.ru
Фото:health.bashkortostan.ru

Йыл башынан Башҡортостанда ковидты асыҡлау өсөн 280 меңдән ашыу тест эшләнгән. Әлеге ваҡытта уның бер нисә төрө бар.

1 – 31 ғинуарҙа республика­ла 51126 ПЦР-тест эшлән­гән.

“Бөгөн ПЦР-тест – коронавирус инфекцияһын асыҡ­лауҙың ышаныслы ысулы. Ауы­рыуҙың билдәләре күрен­мәһә лә, аныҡлыҡ 99 процент тәшкил итә. Ысул генетика-мо­лекуляр диагности­калауға бәйле. Ул иһә организмда ви­рустың барлығын йәки юҡлы­ғын күрһәтә. Был хәлде ковид бил­дәләре күренгәнгә йәки анти­матдәләр барлыҡҡа кил­гәнгә тиклем асыҡларға бу­лыш­лыҡ итә”, – тип белдерҙе республика Һаулыҡ һаҡлау ми­нистрлығының йоғошло сир­ҙәр буйынса штаттан тыш баш белгесе Лиана Шәйхуллина.

Экспресс-тест – ковидты им­мунохро­матографик анализ ысулы (ИХА) менән диагнос­тикалау алымы, тип хәбәр итте республика Һаулыҡ һаҡ­лау ми­нистрлы­ғының матбуғат хеҙ­мәте. Былтыр республикала барлығы ковидҡа 1 572 604 ПЦР-тест һәм 2 384 345 ИХА эшләнгән.

Айһылыу НИЗАМОВА

Читайте нас: