Өлкәндәр өсөн прививка

Пневмококк инфекцияһынан прививка яһатыу тураһында һүҙ барһа, күптәр уны пневмонияға ҡаршы яһатыла тип уйлай. Был дөрөҫлөккә тап килеп бөтмәй, сөнки инфекция, пневмониянан тыш, бик күп өҙлөгөүҙәргә, шул иҫәптән ҡан зарарланыуына (сепсис) килтереүе мөмкин.

Пневмококк инфекцияһы организмға эләккәс, үпкәлә ялҡынһыныу процесын баш­лап, пневмонияға кил­тереүе ихтимал, тик уның зыяны бының менән генә бөт­мәй, шуға күрә был бә­ләнән һаҡлаған прививка булыуы бик яҡшы. Сирҙең арҡа, баш мейеһе өлө­шөндә ялҡынһы­ныу тыу­ҙыр­ған менингит, ҡанда сепсис барлыҡҡа килтереүе мөмкин. Пневмококк инфек­цияһын дауалауы ауыр, юғары дозалағы антибиотиктар менән стационарҙа һауыҡтыралар, тергеҙеү барышы оҙайлы. Унан һаҡ­ланыу сараһы – ваҡытында яһатылған прививка.

Пневмококк – түңәрәк рәүешендәге, төркөмләп йы­йылған бактерия. Нигеҙ­ҙә, өҫкө тын алыу юлдарын зарарлай, ҡайһы бер саҡта бронхит һәм пневмо­нияға килтерә. Организм көсһөҙ­лән­гәндә йәки микроб үтә агрессив төҫ алғанда, нервы системаһының зарарланыуы күҙәтелә – менингит йәки сепсис рәүешендә өҙлөгөүҙәр башлана.

Элегерәк нигеҙһеҙ рә­үештә “һәр сөскөргән һа­йын” антибиотик менән дауалау үҙ һөҙөмтәһен бирҙе – да­рыуҙарға ҡаршы тото­роҡлолоҡ бар­лыҡ­ҡа килде. Был терапияны һай­лауҙы ҡыйынлаш­тырҙы, ти бел­гестәр, шуға күрә пневмо­кокк инфекцияһына ҡаршы прививка яһатыу сирҙең ауыр формаларынан һаҡлай.

Бөгөн бактерияның төрҙәре 60-тан ашыу. Вакцина ҡуҙғы­тыу­сының киң тарал­ған штамдарынан һаҡлай ала. Бынан тыш, прививка өлкән­дәрҙе етди өҙлө­гөүҙәрҙән, йәғни отит (урта ҡолаҡ­тағы шешеү процесы), эндокардит (йөрәктең эске өлөшө зарарланыуы), синусит (танау ҡыуыш­лығының эрен­ләп шешеүе), артрит, бронхит һәм башҡа сирҙәрҙән ҡурсалаясаҡ.

Динә АРЫҪЛАНОВА