Уйҙырмаларға ышанаһығыҙмы?

Һаулыҡ һаҡлау өлкәһендә лә төрлө уйҙырмалар етерлек. Шуларҙың бер нисәһенә күҙ һалайыҡ.

1. С витамины һалҡын те­йеү­ҙән һаҡлаймы? Ул иммунитетты нығыта, әммә һеҙҙе киҙеүҙән һаҡламаясаҡ.
2. Кеше мейеһенең 10 проценты ғына көндәлек эшмәкәр­лектә файҙаланыла. Ысынлап та, кеше мейеһенең ҡайһы бер зоналары тураһында әлегәсә билдәле түгел. Әммә, нисек кенә булмаһын, уларҙың һәр береһе тормош өсөн бик мөһим функцияларҙы үтәй.
3. Һыуҙы ни тиклем күберәк эсһәгеҙ, шул тиклем яҡшыраҡ, тиҙәр. Ысынлап та, шулаймы?

Аҙыҡ-түлектең байтағында, айырыуса еләк-емештә һәм йәшелсәлә һыу миҡдары күп. Эскегеҙ килмәһә, көсләп шы­йыҡлыҡ ҡулланырға ярамай – бөйөрҙәрегеҙгә зы­ян килтереүегеҙ ихтимал.

1. Стрестан сәстәр саллана, тиҙәр. Ғәмәлдә ғалимдар нервы көсөр­гәнешлегенән сәстәрҙең ағарыуын иҫбатлай алмай. Бөтәһе лә кешенең гендарына бәйле.
2. Тир тәндән токсиндарҙы сығарамы? Тирләү арҡаһында организм һыуына. Тир составында тоҙ, һыу, электролиттар бар, ә токсиндарҙың бер ҡатнашлығы ла юҡ.
3. Насар яҡтыртылған бүл­мә­лә уҡыу күреү һәләтен боҙамы? Ҡояш йәки лазер нурҙарының күреү һәләтенә зыян килтереүе ихтимал. Яҡтылыҡтың етешмәүенән күҙҙәр көсөргәнеш кисерә, арый, әммә күреү һәләте кәмемәй.
4. Алкоголь мейе күҙәнәктә­рен зарарлаймы? Алкоголь тәьҫире һөҙөмтәһендә мейе эшмәкәрлеге бер аҙ һүлпәнә­йә. Көслө эсемлектәр тоташ­тыр­ғыс туҡыманың күҙәнәктә­рен зарарлай, әммә кеше мейеһе яңынан тәүге хәленә ҡайтыу һәләтенә эйә.
5. Шоколад ашаһаң, биткә һытҡы сығамы? Һытҡы сығыу­ҙың сәбәптәре ифрат күп, шулай уҡ косметика, ныҡ тирләү, артыҡ дымлылыҡ һөҙөмтәһен­дә лә кешенең ошо сирҙән яфаланыуы бар.
6. Ҡәһүә айныҡтырамы? Алкоголь организмдан тулы­һын­са сығарылған хәлдә генә кеше айныға. Ә кофеин бары мейене “алдаштыра”.
7. Яман шештән һа­уы­ғыу сараһы юҡмы? Онкология 150-нән ашыу шеш төрҙәрен үҙ эсенә ала. Һәр береһенең үҙ дауалау ысулдары бар. Шулай булғас, яман шешкә ҡаршы аныҡ ҡына тәғәйен дарыуҙың булыуы мөмкин түгел.
8. Шәкәр – кариестың төп сәбәбе, тип раҫлау дөрөҫмө? Бында сәбәп шәкәрҙән бигерәк уның теш эмаленә тәьҫиренең оҙайлылығында. Татлы аҙыҡ ашағандан һуң ауыҙығыҙҙы сайҡатырға онотмағыҙ.
9. Һалҡын тейгәндә туң­дыр­ма ашау сирҙе көсәйтәме? Нисек кенә ғәжәп тойолмаһын, һөт ризыҡтары лайла бүлене­үен көсәйтмәй. Киреһенсә, тамаҡты тынысландыра, һал­ҡын тейеүгә ҡаршы көрә­шеү өсөн энергия бирә. Быны ғалимдар күптән иҫбатланы.
10. Алкоголь йылытамы? Юҡ, йылытмай, ә ҡан тамыр­ҙарын киңәйтә. Кеше тәү ҡарамаҡҡа үҙен йылынғандай тоя, тик был тойғо бик тиҙ үтә.
11. Майлы аҙыҡ-түлек һи­мер­тәме? Сәбәп майҙа түгел, ә ашаған калория миҡдарын­да. Тикшеренеүҙәр­ҙән күрене­үен­сә, файҙалы майҙар ҡулла­нылған диеталар сәләмәтлек­те яҡшыртыуға йоғонто яһай.
12. Антибиотиктар киҙеүҙе дауалаймы? Был – йыш осра­ған яңылыш фекер. Антибиотиктар бактерияларҙы үлтерә, ә вирустарға тәьҫире юҡ.
13. Йомортҡала холестерин күпме? Быны ҡиммәтле аҙыҡ­ҡа “яла яғыу” тип атарға булыр ине. Йомортҡа – антиоксиданттар, витаминдар һәм за­рар­һыҙ холестерин ха­зинаһы.

Кәримә УСМАНОВА