Виноград күреү һәләтен һаҡлай

Баҡтиһәң, күҙҙең һаулығын һаҡлау һәм уның селтәрле ҡабығы ауырыуҙарын булдырмау өсөн рационыңа даими рәүештә виноград индерергә кәрәк. Был емеш йәшкә бәйле күреү һәләтен юғалтыуҙан һәм һары тап деградацияһынан һаҡлай.

Шулай уҡ белгестәр әйтеүенсә, виноград фитонутриенттарға, йәғни фенол менән полифенолға бай. Шулай уҡ унда А, С, К һәм В6 витаминдары, калий, кальций, магний, тимер күп.

Виноград шулай уҡ түбәндәге үҙенсәлектәргә эйә:

• Дегенератив ауырыуҙарҙың башланыуын кисектереп, мейе эшмәкәрлеген яҡшырта.
• Холестерин кимәлен төшөрә.
• Тромбтар барлыҡҡа килеүен туҡтата.
• Инфаркт хәүефен кәметә.
• Эс ҡатыуҙан ярҙам итә.
• Шәкәр диабеты үҫешен кәметә.

Фото: capiton-mebel.ru