Был сәй эстән йылыта

"Бәйләнештә" селтәрендә Гөлфиә Мөхәмәтдинова үҙенсәлекле эсемлек рецепты менән уртаҡлашты.

"Был сәйҙе ҡышын ғына эсәбеҙ, сөнки унда һалынған тәмләткестәр эстән йылыта!

1 стакан һөттө кәстрүлгә һалып, ҡайнатырға ҡуябыҙ, ҡайнап сыҡһа,
1 бөртөк баҙыян (бадьян)
1 бөртөк дәрсен (корица) (мөмкин ярты бал ҡалаҡ дәрсен порошогы һалырға)
2 бөртөк хуш еҫле борос (ҡыяр тоҙлағанда һала торған борос)
1 аш ҡалағы шәкәр (ошо тәмләткестәрҙең тәме тағы ла нығыраҡ сыҡһын өсөн һалына)
2 аш ҡалағы сәй (мин "Азерчай" сәйен һалам). 
Ҡуйыраҡ сәй яратһағыҙ, 3-4 ҡаш ҡалағы сәй һалырға була.
+ 1 ст ҡайнаған эҫе һыу. 

Сәйебеҙ ҡайнап сыҡһа, газды һүндереп, 5-10 мин ҡапҡас ябып ултыртып торабыҙ. Ммм, хуш еҫле, тәмле сәйҙе эсеп, ҡыштың һыуығына бирешмәй, рәхәтләнәбеҙ!  Сәй оҡшаһа, ике стакан һөттән эшләрһегеҙ", - тип яҙҙы Гөлфиә. 

Фото һәм сығанаҡ: https://vk.com/gmuck