Яҙ һәм Хеҙмәт, Еңеү көндәренә арналған байрамдар осоронда халыҡҡа медицина ярҙамы күрһәтеүсе учреждениелар түбәндәге режимда эшләйәсәк:
– травматология пункттары республиканың бөтә район һәм ҡалаларында тәүлек әйләнәһенә эшләйәсәк. Шулай уҡ Өфөләге 5-се, 8-се, 21-се дауаханаларҙа, Дим районындағы ҡала клиник дауаханаһында һәм Республика балалар клиник дауаханаһында пациенттар ҡабул ителәсәк. Офтальмолог ярҙамын 8-се һәм Өфө күҙ ауырыуҙары ғилми-тикшеренеүҙәр институтында алырға мөмкин;
–29, 30 апрелдә һәм 1, 4, 9,10, 11 майҙа поликлиникалар иртәнге сәғәт 8-ҙән 17:00 сәғәткә тиклем эшләйәсәк. Медицина хеҙмәткәрҙәрен өйгә (шул иҫәптән кисектергеһеҙ ярҙамды) 16:00 сәғәткә тиклем саҡыртырға мөмкин. Ошо көндәрҙә диспансерлаштырыу һәм медицина тикшереүҙәрен дә үтергә мөмкин буласаҡ;
–ҡатын-ҡыҙ консультациялары 29, 30 апрелдә, 1, 4 ,9, 10 ,11 майҙа пациенттарҙы гинекология тикшереүҙәре өсөн көтәсәк. Ауырлы ҡатындарға ультратауыш скринингы район-ара кабинеттарҙа 29, 30 апрелдә һәм 10 майҙа үткәрелә;
– дарыуханалар һәм дарыухана пункттары 28-30 апрелдә һәм 1, 4, 5, 9-12 майҙа ял көнө графигы буйынса эшләйәсәк. Үҙәк район дарыуханалары – шәмбе графигы буйынса. Ял көнөндә льготалы рецепттар буйынса дарыу препараттарын биреү ваҡлап һатыу бүлектәрендә башҡарыласаҡ.
Фото: Һаулыҡ һаҡлау министрлығының матбуғат хеҙмәте.