Иммунитетты нисек нығытырға?

Рәсәй Һаулыҡ һаҡлау министрлығы Бөтә донъя аллергия менән көрәш көнө айҡанлы 8 -14 июлдә Иммун системаһын һаҡлау аҙнаһын иғлан итте.

Организмдың иммун системаһы беҙҙе сир таратыусы микроорганизмдар һәм вирустар тәьҫиренән һаҡлай, өҫтәүенә микробтар һәм паразиттарҙан ғына түгел, ә үҙ организмыңдың контролдән сыҡҡан күҙәнәктәренән дә.

Иммунитетты нимә ҡаҡшата?

Йәшәү рәүешен дөрөҫ ойоштормау (алкоголь ҡулланыу, тәмәке тартыу, аҙ хәрәкәтләнеү);

Стрестар, депрессия, төшөнкөлөк, арыу-талсығыу, насар йоҡо;

Тирә-яҡ мөхит;

Дөрөҫ туҡланмау.

Организмды яҡлаусы иммун системаһы туранан-тура беҙҙең нимә ашауыбыҙға бәйләнгән. Аҡһымлы аҙыҡ организмды антиесемдәр һәм башҡа иммунитет агенттарын барлыҡҡа килтереү өсөн кәрәкле аминокислоталар менән тәьмин итә. Майҙар иммун күҙәнәктәрен төҙөү өсөн кәрәк, ә углеводтар иммун системаһы эшләһен өсөн энергия бирә.

Организмдың һаҡлаусы функцияларын нығытыуға һәләтле аҙыҡтар етерлек. Шуларҙың бер нисәһе: лимон, имбир, йәшел сәй, емеш-еләк, бутҡа, һөт аҙыҡтары, баҙам сәтләүеге (миндаль), йәшелсә, балыҡ, дингеҙ кәбеҫтәһе, зәйтүн майы.

Сәләмәт кешенең иммунитеты нисек булырға тейеш? Иммун системаһы зарарланмаған кешенең иммун статусы ҡағиҙә булараҡ 800-1200 күҙәнәк тәшкил итә. Балаларҙа ул күберәк. Иммунограмма анализы иммунитеттың түбәнәйеүен асыҡларға ярҙам итә.

Фото: https://gorzdrav.org/blog/effektivnye-sposoby-ukreplenija-immuniteta/