Брәтәктә яңы ФАП үҙ ишектәрен асты

Бөрйән районының Брәтәк ауылында өр-яңы модулле фельдшер-акушерлыҡ пунктын асыу тантанаһы үткән.
Тантанала район хакимиәте башлығы Ғ. М. Манапов, район үҙәк дауаханаһының баш табибы Т. Р. Насыров ҡатнашҡан. Улар барыһын да ҡыуаныслы ваҡиға менән ҡотлап, яңы ФАП-тың ауыл халҡының сәләмәтлеген һаҡлауға, урындағы халыҡтың уңайлы шарттарҙа сифатлы медицина ярҙамы аласағына ышаныс белдергән.
Фельдшер-акушерлыҡ пунктында пациенттарҙы ҡабул итеү, персонал өсөн бөтә уңайлы шарттар ҙа тыуҙырылған. Унда йәш фельдшер Айзилә Фәхрийәнова эшләйәсәк.Ике йыл ғына эшләүенә ҡарамаҫтан, йәш табип халыҡ һөйөүен яулап та өлгөргән.
Фельдшер-акушерлыҡ пункты “Һаулыҡ һаҡлау” милли проектына ярашлы төҙөлгән.

Фото һәм текст сығанағы: "Таң" гәзитенән