Оҙаҡ йәшәүҙең биш сере бар

Өфөләге 5-се ҡала клиник дауаханаһы табиптары ғүмер оҙайлылығына түбәндәгеләр сәбәпсе тип белдергән:

1. тәмәке тартмау;
2. йәшелсә-емеште даими ашау;
3. тоҙҙо аҙыраҡ ҡулланыу: тәүлегенә биш грамдан, шул иҫәптән әҙерләнгән аҙыҡ-түлектә лә артмаһын;
4. алкоголле эсемлектәр менән мауыҡмау;
5. физик йәһәттән әүҙем булыу.

Мәскәүҙең 71-се дауаханаһының баш табибы, билдәле алып барыусы Александр Мясников "Рәсәй 1" телканалында ғүмер оҙайлылығына туранан-тура йоғонто яһаған төп ете аҙыҡты атаған. Был исемлеккә йәшелсәләр, емеш-еләк, диңгеҙ ризыҡтары, балыҡ, сәтләүектәр, башлыса миндаль, ҡара шоколад һәм һарымһаҡ ингән. Табип фекеренсә, тап ошо аҙыҡтар һәр кешенең туҡланыу рационында мотлаҡ булырға тейеш.

Сығанаҡ, фото: БР Һаулыҡ һаҡлау министрлығы.