Иммунитетты нығытыу өсөн файҙалы ҡайнатма

Һалҡын, ҡояшһыҙ көндәр башланды. Иммунитетты даими рәүештә нығытып торор кәрәк.

Һаулыҡ өсөн С витамины ныҡ кәрәкле икәнен барығыҙ ҙа белә. Ә был витаминдарға цитруслы емештәр бик бай. Әйҙәгеҙ, уларҙан ҡышҡылыҡҡа файҙалы ҡайнатма әҙерләйек.

Ҡайнатма өсөн: лимон - 500 г; әфлисун - 500 г; шәкәр - 300 г.

Әҙерләү: Емештәрҙе ентекләп йыуығыҙ. Тышы менән ҡуша ит турағыста үткәрергә. Сөнки тап унда файҙалы матдәләр күп. Бөтә ингредиенттарҙы болғатығыҙ, плитәгә ҡуйығыҙ һәм урта утта 15-20 минут тирәһе ҡайнатығыҙ.

Бындай ҡайнатманың файҙалы үҙенсәлектәре.

- антисептик тәьҫир яһай;

- иммун системаһын нығыта;

- шешенеүҙе бөтөрә;

- капиллярҙарҙы нығытыуға булышлыҡ итә;

- организмды ағыулы матдәләрҙән һәм холестериндан таҙартыу функцияһын башҡара;

- йөрәк ауырыуҙарын һәм атеросклерозды иҫкәртә.