Ул - рак сиренә тура юл

Ҡыҙғанысҡа ҡаршы, тирә-яҡта яман шеш менән сирләгәндәр артҡандан-арта. Ә кешеләр дөрөҫ туҡланмай, сәләмәт тормош рәүеше алып бармай, хәлде тағы ла киҫкенләштерә.

Ғалимдар был ҡурҡыныс сиргә килтергән аҙыҡ-түлекте асыҡлауын дауам итә. Мәғариф дәүләт университетының медицина факультеты уҡытыусыһы, билдәле хирург Александр Умнов әйтеүенсә, ҡаты спиртлы эсемлектәр бик күп эске органдарҙың яман шеше сәбәбе була ала. Был турала ул News.ru порталына биргән интервьюла әйткән.

Хирург араҡы көслө канцероген булыуын хәтергә төшөрә.

“Ул патоген менән иң тығыҙ бәйләнешкә ингән туҡымалар күҙәнәктәре мутацияһына килтерә. Был осраҡта ашҡаҙан, ашҡаҙан аҫты биҙе, бауыр, ғөмүмән, барлыҡ ашҡаҙан-эсәк тракты органдары рагы хәүефе бермә-бер арта”, – тигән ул.

Бынан тыш, Умнов әйтеүенсә, алкоголле эсемлектәргә бәйлелек кисергән кешеләрҙә гормональ фон үҙгәрә һәм уларҙа енес ағзалары яман шеше лә йышыраҡ барлыҡҡа килә.

Фото: oncoved.ru