Битегеҙҙең шымарыуын шунда уҡ тойорһоғоҙ

Өйөгөҙҙә алоэ үҫәме? Был үҫемлектең һуты төрлө йәһәттән файҙалы булыуы элек-электән билдәле. Бер бәләкәй генә өлөшөн һындырып алып, битегеҙгә даими рәүештә файҙалы битлек (маска) эшләп торһағыҙ, бит, муйын тирегеҙ һеҙгә рәхмәт кенә әйтер. 

Косметологияла алоэ тирене дымландырыусы, тынысландырыусы, елһенеүҙе баҫыусы сифаттары менән ҡиммәтле. 

Шулай итеп, һеҙҙең иғтибарға бит, муйын тирәһенә һөртөү өсөн ябай ғына битлек тәҡдим итәбеҙ.

Уның өсөн бары өс ингредиент кәрәк: алоэ гөлөнөң һуты, крахмал һәм дарыуханала һатылған Е витамины.

Бер балғалаҡ алоэ һутына ярты балғалаҡ крахмал, 10 тамсы Е витамины ҡушып яҡшылап болғарға. Бер төрлө ҡатнашма килеп сыҡҡас, уны биткә, муйын тирәһенә һөртөп, 15-20 минутҡа ҡалдырабыҙ. Унан инде йылы һыу менән йыуабыҙ.

Фото: 101hairtips.com