Яңы хирургия корпусы хаҡында белгестәр, табиптарҙың фекере ниндәй?

10 июндә Рәсәй Президенты Владимир Путин видеобәйләнеш режимында илебеҙ төбәктәренең яңы һаулыҡ һаҡлау объекттарын асыу сараһында ҡатнашты. Улар араһында Өфөләге  Республика кардиология үҙәгенең яңы хирургия корпусы ла  бар. Был хаҡта белгестәр, табиптар нимә ти?

Римма Үтяшева, Дәүләт Думаһы депутаты, Башҡортостан Республикаһының атҡаҙанған табибы:

"Йөрәк хирургияһы - кешеләр араһында бик кәрәкле һәм популяр өлкә. Яңы хирургия комплексы республикала иң йыһазландырылған медицина учреждениеһы булып тора, тимәк, беҙҙең табиптар тағы ла күберәк кеше ғүмерен һаҡлап ҡаласаҡ".

Валентин Павлов, БДМУ ректоры, Рәсәй Фәндәр академияһы академигы:

“Йөрәк хирургияһы хеҙмәтенең бындай күләмле үҫеше халыҡҡа юғары технологиялы медицина ярҙамы күрһәтеүҙе ойоштороуҙы һиҙелерлек яҡшыртасаҡ”.

Гөлнур Ҡолһарина, “Ватанды һаҡлаусылар" фонды етәксеһе:

“Һуңғы технологиялар менән йыһазландырылған комплекс йәшәү өсөн мөһим операциялар өсөн сиратты кәметәсәк, был айырыуса хәрби хәрәкәттәр ветерандары һәм махсус хәрби операцияларҙа ҡатнашыусылар һәм уларҙың яҡындары өсөн мөһим”.

Вил Тимербулатов, медицина фәндәре докторы, профессор:

“Йөрәк-ҡан тамырҙары ауырыуҙарынан ауырыуҙар һәм үлем осраҡтары илдә беренсе урында тора. Хәҙер кешеләр юғары технологиялы, махсуслаштырылған ярҙам алыу мөмкинлегенә эйә”.

Арсен Шәйәхмәтов, политолог:

“Яңы бина медицина хеҙмәттәре баҙарында төбәк өсөн һиҙелерлек өҫтөнлөк буласаҡ. Башҡортостан әле күҙ хирургияһы, яман шеште дауалау һәм реабилитациялау өлкәһендә көслө".

Наталья Латыпова,  РБ УК НОЦ  директоры:

“Уның ҡорамалдары халыҡ-ара стандарттарға яуап бирә, был илдең алдынғы клиникалары кимәлендә ярҙам күрһәтергә мөмкинлек бирәсәк”.

Сергей Семенов, политолог:

«Был федераль әһәмиәтле объекттар төҙөү менән беренсел медицина ярҙамы күрһәтеүҙе үҫтереүҙе берләштереү - ҡабатларға лайыҡлы модель. Был инновациялар һәм ҡулайлыҡ араһындағы баланс».

Хәтерегеҙгә төшөрөп үтәйек: кардиология үҙәген төҙөүгә республика ҡаҙнаһынан 10,7 миллиард һум аҡса бүленгән. Был 35 мең квадрат метр майҙанлы ун ҡатлы бина, унда иң заманса юғары технологиялы ҡорамалдар менән йыһазландырылған ун операция бүлмәһе урынлашҡан.

Радий Хәбиров билдәләүенсә, кардиология үҙәге йөрәк-ҡан тамырҙары ауырыуҙары менән сирләгән пациенттарға ярҙам күрһәтеү циклының һуңғы этабы булып тора.

Фото: “Башинформ”