‎Сәхәрҙә эсеү өсөн файҙалы коктейль

1 литр һөттө ҡайнатырға ҡуябыҙ, 15-20 финиктың тосон алып, һөткә һалабыҙ. Ағас ҡашыҡ менән бутап торабыҙ, 25-30 минут талғын ғына утта ҡайнатабыҙ. Килеп сыҡҡан ҡатнашманы миксер менән иҙәбеҙ. Коктейль әҙер.

Һыуытҡысҡа ҡуйып һыуытабыҙ. Ауыҙ асыр өсөн, сәхәрҙә эсеп ебәрер өсөн бынамын тигән ризыҡ! ‎Кескенә ҡыҙым менән икәү эстек, оҡшаттыҡ. Тик миңә бер аҙ баллыраҡ, сөсөрәк булып тойолдо. Эсәр алдынан кефир ҡушып болғаттым, улай нығыраҡ оҡшаны. ‎

‎“Дуҫтарым, хушапты һеҙ ҙә эшләп ҡарағыҙ, бик еңел эшләнә, күп ингредиенттар ҙа кәрәкмәй, ураҙа тотҡанда энергия бирә торған бик туҡлылы ла, тәмле лә, файҙалы ла эсемлек килеп сыға”, -  ти Зөһрә Ғарифуллина.