Ҡайын бөрөләрен ҡасан йыйырға?

Ҡайын бөрөләрен иртә яҙҙа, улар бүрткәндә йыялар. Иң мөһиме бөрө тулған һәм йәбешкәк, ә уларҙың тәңкәләре бер — береһенә тығыҙ йәбешкән булырға тейеш.
Йыйыу урыны юлдарҙан, сәнәғәт зоналарынан һәм магистралдәрҙән алыҫ булһын.

Йыйыу:
- Йыйғанда ботаҡтарҙы һындырмағыҙ һәм ағастарҙы ҡырҡмағыҙ
- Бөрөнө төбөнән үткер бысаҡ йәки ҡайсы менән, ботаҡҡа зыян килтермәйенсә, һаҡ ҡына ҡырҡығыҙ
- Нәҙек ботаҡтар менән бергә йыйып, һуңынан киптерелгәндән һуң айырып алырға була.

Киптереү һәм һаҡлау:
Бөрөнө яҡшы елләтелгән, ҡоро, күләгәле урында йәки +30 °C-тан юғары булмаған температурала киптереү ҡоролмаһында киптерегеҙ
Киптереү процесы яҡынса ике аҙна дауам итә.
Кипкән бөрөнө ботаҡтарҙан айырырға һәм тығыҙ ябыҡ быяла банкаларҙа, ҡағыҙ пакеттарҙа йә туҡыма тоҡсайҙарҙа ҡоро һәм ҡараңғы урында һаҡларға.

Дөрөҫ әҙерләнгән ҡайын бөрөләре дауалау үҙенсәлектәрен ике йылға тиклем һаҡлай. Улар бәүел ҡыуыу, үт ҡыуыу, шешенеүгә ҡаршы һәм дөйөм иммунитетты нығытыу сараһы булараҡ ҡулланыла — әммә ҡулланыр алдынан мотлаҡ табип менән кәңәшләшегеҙ, айырыуса хроник ауырыуҙар булғанда.

Сығанаҡ: Әлиә Йосопова

Беҙҙең МАХ каналына https://max.ru/gazetabashkortostan ҡушылығыҙ!