Ниндәй үләнде йә дарыуҙы эскәс ҡояшҡа сығырға ярамай?

Ҡайһы бер дарыуҙарҙы эскәс тиренең ультрафиолет нурланышҡа һиҙгерлеге арта. Ҡояш тәьҫирендә айырым препараттар химик реакцияға инә, тире күҙәнәктәренә зыян килә.

Антибиотиктарҙан - доксициклин, тетрациклин, ципрофлоксацин, офлоксацин, бисептол, сульфаметоксазол - ҡояшта тән бешә, таптар, ҡысыу барлыҡҡа килә.

Бәшмәккә ҡаршы сараларҙы - гризеофульвин, тербинафин - оҙайлы эскәндә ҡояштан һаҡланырға кәрәк.

НПВС (ялһыныуға ҡаршы стероид булмаған препараттар) - кетопрофен, ибупрофен, напроксен, айырыуса кетопрофен-гель ҡояш радиацияһын тарта, һеңдерә.

Бәүел ҡыуыусы һәм ҡан баҫымын төшөрөүсе дарыуҙар - гидрохлоротиазид, амилорид, амлодипин - оҙаҡ эскәндә ҡояшта һирәк, әммә көслө реакция тыуҙырыуы бар.

Витамин А-ға оҡшаш ретиноидтар - изотретиноин, ацитретин - тиренең УФ-нурланышҡа һиҙгерлеген арттыра, тән бешеүе хәүефе арта.

Шештәргә ҡаршы, иммунитет күтәреүсе препараттар - метотрексат, 5-фторурацил, сорафениб, вемурафениб
азатиоприн - болотло көндә лә нурланышҡа һиҙгерлекте арттыра.

Антидепрессанттар, психотроп матдәләр - амитриптилин, хлорпромазин - эскәс тә ҡояшта йөрөү ярамай. Тәбиғәт үләндәренән һары мәтрүшкә - ҡояш нурҙарын иң көслө үткәреүсе.

Дарыуға ҡулланманы иғтибар менән уҡығыҙ: әгәр өҫтәмә тәьҫирҙәр араһында фотоһиҙгерлек көсәйеүе хаҡында йәки "УФ-нурланыштан һаҡланығыҙ" тигән яҙыу булһа, ҡояшта оҙаҡ булмағыҙ, SPF (50+) ҡояштан һаҡлау сараларын, оҙон еңле кейем, эшләпә, ҡара күҙлек кейегеҙ.

И. Ҡудашева фотоһы.