Бөтә яңылыҡтар
Сәйәсәт һәм хоҡуҡ
20 Июнь 2019, 17:26

Өс көнлөк осрашыу тамам

Бөгөн Өфөлә хәүефһеҙлек мәсьәләләрен көйләгән яуаплы вәкилдәрҙең Х халыҡ-ара осрашыуы тамамланды. Унда глобаль һәм төбәк хәүефһеҙлеге мәсьәләләре тикшерелде. Осрашыу тамамланғандан һуң Рәсәйҙең Именлек советы секретары Николай Патрушев журналистар менән аралашты.

Бөгөн Өфөлә хәүефһеҙлек мәсьәләләрен көйләгән яуаплы вәкилдәрҙең Х халыҡ-ара осрашыуы тамамланды. Унда глобаль һәм төбәк хәүефһеҙлеге мәсьәләләре тикшерелде. Осрашыу тамамланғандан һуң Рәсәйҙең Именлек советы секретары Николай Патрушев журналистар менән аралашты.


– Өс көн дауамында беҙ халыҡ-ара һәм төбәк хәүефһеҙлеге мәсьәләләрен ике һәм күп яҡлы осрашыуҙарҙа ҡараныҡ. Рәсәй яғынан Федераль Именлек хеҙмәте, Эске эштәр министрлығы, Ҡораллы көстәр министрлығы, Тышҡы разведка хеҙмәте, Рәсәй оборонаһы вәкилдәре ҡатнашты. Именлек хеҙмәте аппараты етәкселеге 80-дән ашыу осрашыу уҙғарҙы. Рәсәй делегацияһының башҡа ағзалары тағы ла 40-лап осрашыу барышында килешеүҙәргә, меморандумдарға ҡул ҡуйыуға өлгәште, – тине ул.


Шулай уҡ Именлек советы секретары сараны ойоштороуға булышлыҡ иткән өсөн Башҡортостан Башлығы вазифаһын башҡарыусы Радий Хәбировҡа рәхмәт белдерҙе.


Олег Яровиков фотоһы