Бөтә яңылыҡтар
Сәйәсәт һәм хоҡуҡ
15 Июль 2019, 20:19

Владимир Путин: “Сүп ояһы янында торлаҡ төҙөргә ниңә рөхсәт иттегеҙ?”

Экологик хәүефһеҙлек мәсьәләһе үтә ҡырҡыу тора. Халыҡ менән тура бәйләнеш ваҡытында ла был һорау йыш күтәрелде.

Фото: kremlin.ru
Ил Президентының әйтеүенсә, экологик хәүефһеҙлек мәсьәләһе үтә ҡырҡыу тора. Халыҡ менән тура бәйләнеш ваҡытында ла был һорау йыш күтәрелде.


“Күп кенә полигондар сүп-сар менән тулған, халыҡ йәшәгән урындарҙа улар ысын мәғәнәһендә көнкүреш ҡалдыҡтары тауына әүерелгән. Шуныһы ҡыҙыҡ, ошондай сүп ояһы янында торлаҡ төҙөүгә нисек документтар бирә алдығыҙ? Кем был хаҡта уйланы?” – тип власть әһелдәрен тәнҡит уты аҫтына тотҡайны ул Федераль Йыйылышҡа Мөрәжәғәтнамәһе барышында.


Власть вәкилдәренә халыҡты борсоған мәсьәләләргә ҡул һелтәп ҡарарға түгел, ә ныҡлап ауыр проблемаларҙы хәл итергә тотонорға ваҡыт, тип билдәләне Владимир Путин.