+17 °С
Облачно
Сәйәсәт һәм хоҡуҡ
21 Сентября 2019, 12:36
Владимир Путин Калашниковтың ҡоралы хаҡында
Легендар конструктор Михаил Тимофеевич Калашников яһаған ҡорал Тыуған илебеҙгә, һалдат, офицерҙарыбыҙға киләсәктә лә хеҙмәт итер.
Фото: vk.ru
Рәсәй Президенты Владимир Путин, Бөтә Рәсәй ҡорал оҫталары форумында сығыш яһап, быйыл Калашниковтың тыуыуына 100 йыл тулыу тураһында белдерҙе.
“Беҙ Ватандың ысын патриоты, легендар конструктор, халыҡ таланты булған ошо арҙаҡлы шәхестең иҫтәлеген мәңге һаҡлаясаҡбыҙ, – тине Президент. – Калашников яһаған ҡорал Тыуған илебеҙгә, һалдат, офицерҙарыбыҙға киләсәктә лә хеҙмәт итер, ул ҙур тырышлыҡ һалған ҡорал мәктәбе донъяла алдынғылыҡты һаҡлап ҡалыр, уның эшен йәш таланттар дауам итер, тип ышанам”.
Владимир Путин Рәсәй ҡорал оҫталарын һөнәри байрамдары менән ҡотланы, тармаҡ ветерандарына рәхмәт әйтте.
#ВладимирПутин
