+21 °С
Болотло
Сәйәсәт һәм хоҡуҡ
21 Май 2020, 18:50
Йәмәғәт күҙәтеүселәрен туплайҙар
"Йәмәғәт ойошмалары, сәйәси партиялар вәкилдәре, шулай уҡ ябай граждандар күҙәтеүсе була ала. Ғаризалар 27 марттан ҡабул ителә. Документтарҙы һәм ғаризаларҙың формаһын https://op.bashkortostan.ru/ сайтынан табырға мөмкин”.
Ҡурсаланыу һәм коронавирус таралыуға бәйле башҡа сикләү саралары Конституцияға төҙәтмәләр буйынса тауыш биреү барышын күҙәтеүселәрҙе туплау барышына үҙгәреш индерһә лә, эште туҡтатманы.
Әле илдәге йәмәғәт палаталары системаһына күҙәтеүсе итеп тәғәйенләү өсөн 100 меңдән ашыу кандидатура тәҡдим ителде. Тауыш биреүгә йәмәғәт күҙәтеүен ойоштороуға арналған онлайн-осрашыуҙа ошондай мәғлүмәттәр яңғыраны. Фекер алышыуҙа Рәсәй Президенты ҡарамағындағы Граждандар йәмғиәтен үҫтереү һәм кеше хоҡуҡтары советы, “Бойондороҡһоҙ йәмәғәт мониторингы” ассоциацияһы, Башҡортостандағы сәйәси партиялар вәкилдәре, шулай уҡ политологтар, юристар, йәмәғәтселәр ҡатнашты.
Рәсәй Президенты ҡарамағындағы Граждандар йәмғиәтен үҫтереү һәм кеше хоҡуҡтары советы ағзаһы Александр Брод Демократия проблемаларын тикшереү фондының “Рәсәй Федерацияһы Конституцияһына төҙәтмәләр буйынса дөйөм Рәсәй тауыш биреүендә йәмәғәт күҙәтеүе” тигән доклад менән сығыш яһаны.
Башҡортостандың Йәмәғәт палатаһы рәйесе Ольга Панчихина әйтеүенсә, республикала 15 меңгә яҡын йәмәғәт күҙәтеүсеһе кәрәк буласаҡ. Әле ошо эштә ҡатнашырға теләгәндәрҙән арауыҡта ғаризалар ҡабул ителә. “Республиканың Йәмәғәт палатаһы иң ҙур 22 йәмәғәт берекмәһе һәм коммерцияға ҡарамаған ойошма менән килешеү төҙөнө. Йәмәғәт ойошмалары, сәйәси партиялар вәкилдәре, шулай уҡ ябай граждандар күҙәтеүсе була ала. Ғаризалар 27 марттан ҡабул ителә. Документтарҙы һәм ғаризаларҙың формаһын https://op.bashkortostan.ru/ сайтынан табырға мөмкин”, – тине Ольга Панчихина.
“Бойондороҡһоҙ йәмәғәт мониторингы” ассоциацияһының башҡарма директоры Алена Булгакова осрашыуҙа йәмәғәт күҙәтеүселәрен онлайн тәртибендә уҡытыу тураһында һөйләне.
Фото: yandex.com
