+20 °С
Болотло
Сәйәсәт һәм хоҡуҡ
27 Декабрь 2020, 13:30
Закон талаптарын үтәмәгәндәрҙе нимә көтә?
Башҡортостан буйынса Эске эштәр министрлығы законһыҙ миграция факттарын булдырмау өсөн төрлө саралар күрә.
Башҡортостан буйынса Эске эштәр министрлығы сит ил граждандарын миграция иҫәбенә ҡуйыу, законһыҙ миграция каналдары менән бәйле енәйәттәрҙе асыу һәм тикшереү, Рәсәй Федерацияһында булыу режимын күҙәтеү менән бәйле ғәмәлдәге закондарҙың үтәлешенә законлы контролде көсәйтеү маҡсатында “Резиналы фатир” тигән шартлы исем аҫтындағы оператив-иҫкәртеү сараһының II этабын үткәргән. Барлығы 1750 объект, шул иҫәптән 560 фатир, 1 меңгә яҡын шәхси йорт, 100-ҙән ашыу баҡса һәм дача участкаһы, 20-нән күберәк крәҫтиән-фермер хужалығы, 47 ятаҡ, 21 ҡунаҡхана тикшерелгән.
Миграция өлкәһендә енәйәт билдәләре булған 37 факт асыҡланған, дүрт енәйәт эше, шул иҫәптән Рәсәй Енәйәт кодексының 322.2-се статьяһы буйынса (Рәсәй Федерацияһы гражданын килгән йәки Рәсәй Федерацияһындағы торлаҡта фиктив теркәү) 9 факт асыҡланған, 1 енәйәт эше асылған; Рәсәй Енәйәт кодексының 322.3-сө статьяһы (Рәсәй Федерацияһындағы торлаҡ бинала булыу урыны буйынса сит ил граждандарын иҫәпкә фиктив ҡуйыу) буйынса 28 факт асыҡланған, 3 енәйәт эше асылған.
Бынан тыш, Рәсәй Эске эштәр министрлығының Өфө ҡалаһы буйынса идаралығының 9-сы полиция бүлегендә операция барышында быға тиклем асыҡланған факттар буйынса 20 енәйәт эше асылған (Рәсәй Енәйәт кодексының 322.3-сө статьяһы). Тағы миграция өлкәһендә административ хоҡуҡ боҙоуҙар тураһында 297 протокол төҙөлгән.
Фото: lomonosovsky.mos.ru
