Йәштәр сәйәсәте һәм спорт министрлығы юҡҡа сығарылды

Хәҙер был йүнәлештәр менән ике ведомство шөғөлләнә башлаясаҡ. Республикала Спорт министрлығы барлыҡҡа килә. Был структура физик культура һәм спорт тармағы өсөн яуап бирәсәк. Министр булып ошоға тиклем дә был вазифаны башҡарған Руслан Хәбибов тәғәйенләнде.

Икенсеһе, республикала Йәштәр сәйәсәте буйынса дәүләт комитеты барлыҡҡа килә. Бында иһә эш тап йәштәргә йүнәлтеләсәк. Ведомство етәксеһе булып, элекке спорт һәм йәштәр сәйәсәте министры урынбаҫары Яна Гайдук тәғәйенләнде.

Фото: prav-news.ru