"Файҙа килтерерҙәр тип өмөтләнәм"

Республиканың Тышҡы иҡтисади бәйләнештәр һәм конгрессия эшмәкәрлеге буйынса дәүләт комитеты рәйесе Маргарита Болычева һайлау кампанияһында ҡатнашты.

"Дәүләт Думаһына һайлау – мөһим сәйәси ваҡиға. Күпселек тауыш йыйған кандидаттар киләсәктә республикаға файҙа килтерер тип өмөт итәм. Илдең төрлө йүнәлештәр буйынса үҫеше өсөн беҙгә закон проекттары кәрәк", - тине 17 сентябрҙә Маргарита Болычева.

Тауыш биреүҙә шулай уҡ Тышҡы иҡтисади бәйләнештәр һәм конгрессия эшмәкәрлеге буйынса дәүләт комитеты ағзалары ла ҡатнашты.

Коронавирус инфекцияһы таралмаһын өсөн быйыл сара өс көн – 17 – 19 сентябрҙә – үткәрелә. Өфөлә 441 һайлау участкаһы булдырылған. Уларҙың барыһында ла санитар ҡағиҙәләр – битлек режимы, социаль арауыҡ, дезинфекциялау – үтәлә.

Башҡортостанда, Рәсәй Дәүләт Думаһына һайлауҙан тыш, 29-сы Талбазы, 43-сө Краснохолм, 55-се Бөй һайлау округтарында -  Дәүләт Йыйылышы – Ҡоролтайға депутаттарҙы өҫтәмә һайлау, Өфө, Бөрө, Белорет ҡала һәм ҡайһы бер ауыл советтарына һайлау үткәрелә. Барлығы - 175 кампания. Улар барышында 312 мандат бүленә, исемлектәр буйынса тауыш биреү бара.

Фото: Башҡортостандың Тышҡы иҡтисади бәйләнештәр һәм конгрессия эшмәкәрлеге буйынса дәүләт комитеты.