"Һәр тауыш ҡиммәт, мөһим"

VII саҡырылыш Дәүләт Думаһы депутаты, Башҡортостан Халыҡтары ассамблеяһы рәйесе Зөһрә Рәхмәтуллина бөгөн Өфөлә үҙенең гражданлыҡ бурысын үтәне.

"Һәр һайлауҙа ҡатнашыу, бигерәк тә төбәк, федераль парламенты депутаттарына тауыш биреүҙә әүҙем ҡатнашыу - һәр кеше алдында торған социаль яуаплылыҡ, бурыс, сөнки беҙ барыбыҙ ҙа - йәмғиәтебеҙҙең, республикабыҙҙың, ҙур илебеҙҙең тулы хоҡуҡлы граждандары. Үҙебеҙҙең, балаларыбыҙҙың бөгөнгөһө һәм тотороҡло киләсәге хәл ителгәндә ситтән ҡарап тороу - битарафлыҡ, вайымһыҙлыҡ билдәһе. Шуға күрә һәр беребеҙҙең тауышы ҡиммәт, мөһим, уларҙың береһе лә юғалып ҡалырға тейеш түгел.

Бөгөн биргән тауышым да - минең гражданлыҡ позициям, бурысым. Ул киләсәгебеҙҙе һаҡларлыҡ, яҡларлыҡ эшлекле, көслө, төплө закондар сығарған парламентты булдырырға үҙ өлөшөн индерер тип ышанам", - тине Зөһрә Рәхмәтуллина.

Фото Зөһрә Рәхмәтуллинаның ғаилә архивынан.