Мәғлүм булыуынса, быйылғы һайлауҙа Йәмәғәт палатаһынан ете меңдән ашыу күҙәтеүсе эшләне. Тауыш биреү ваҡытында ниндәй ялыуҙар килеүе тураһында Башҡортостандың Йәмәғәт палатаһы рәйесе урынбаҫары Лида Исарғаҡова һөйләне.
– Башҡортостандың Йәмәғәт палатаһы һайлауҙы күҙәтеү буйынса бай тәжрибәгә эйә. Быйыл күҙәтеү системаһының киңәйеүен билдәләргә кәрәк. Беренсенән, был колл-үҙәк, унда Башҡортостандың һәр бер кешеһе шылтырата алды. Ул Башҡорт дәүләт академия драма театры бинаһында урынлашты. Икенсенән, Башҡортостандың барлыҡ муниципалитеттарында ла өс көн дауамында эксперттар, юристар булған мобиль төркөмдәр эшләне, – тип белдерҙе ул.
Уның һүҙҙәренсә, ведомство белгестәре социаль селтәрҙәрҙе лә күҙәтеп барған.
– Башҡортостандағы һайлау һөҙөмтәләренә йоғонто яһарлыҡ етди етешһеҙлектәр булманы. Мөрәжәғәттәрҙең күбеһе асыҡлау төрөнә ҡарай. Өйҙә тауыш биреүгә ҡағылышлы һорауҙар күп килде. Мәҫәлән, кешеләр ғариза биргән, урынға сыҡҡан бригаданы көтәләр – шуға бәйле хәлде асыҡланылар. Өйҙә һайлауға бәйле ғаризалар күп булғас, һайлау участкалары ваҡытында барып өлгөрә алмағандар. Өс көн дауамында уларҙың барыһы ла ҡатнашты. Асыҡланмаған һорауҙар ҡалманы, – тине Лида Исарғаҡова.
Фото: https://mgazeta.com/news/novosti/2021-09-20/na-izbiratelnyh-uchastkah-bashkirii-rabotalo-7-tysyach-nablyudateley-ot-obschestvennoy-palaty-2513034
#Һайлау2021#Выборы2021#выбираемвместе #Россия #Башкортостан#Башҡортостан #БашВыбор #СделайСвойВыбор