Өфө ҡала Советына кемдәр үтте?

Берҙәм тауыш биреү көнөндә – 19 сентябрҙә Башҡортостанда Өфө ҡалаһы Советына депутаттар һайлау үтте. Быйыл коронавирус инфекцияһы таралыу хәүефен кәметеү өсөн тауыш биреү өс көн дауам итте – 17 сентябрҙән 19-ына тиклем.

Өфө ҡала Советына һайлау 18 бер мандатлы һайлау округтары һәм берҙәм ҡала һайлау округы буйынса үткәрелде. Ҡала округының һайлау комиссияһы мәғлүмәттәре буйынса, Өфөлә һайлауға тауыш биреүселәрҙең 70,18 проценты килгән. Иғтибарығыҙға Ҡала Советына һайлау һөҙөмтәләрен тәҡдим итәбеҙ.

Партия исемлектәре буйынса:

– “Берҙәм Рәсәй” – 66,19 процент;

– КПРФ – 13,44 процент;

– “Ғәҙел Рәсәй – Патриоттар дөрөҫлөк өсөн” партияһы – 3,19 процент;

– ЛДПР – 14,21 процент;

– “Рәсәй пенсионерҙары социаль ғәҙеллек өсөн партияһы” – 2,05 процент.

“Рәсәй пенсионерҙары социаль ғәҙеллек өсөн партияһы” һәм “Ғәҙел Рәсәй” партиялары мандаттар бүлеүгә ебәрелмәгән.

Партия исемлектәре буйынса Өфө Советына мандаттар түбәндәгесә бүленде: “Берҙәм Рәсәй” – 13 мандат, КПРФ – ике мандат, ЛДПР – өс мандат.

Бер мандатлы һайлау округтары буйынса V саҡырылыш Өфө Советына үттеләр: Вәсимов Марат Вәсфи улы (“Берҙәм Рәсәй”), Бубличенко Сергей Анатольевич (“Берҙәм Рәсәй”), Баулин Олег Александрович (“Берҙәм Рәсәй”), Ҡандаров Ирек Вил улы (“Берҙәм Рәсәй), Николаева Ирина Евгеньевна (“Берҙәм Рәсәй”), Васильев Павел Юрьевич (“Берҙәм Рәсәй”), Гагин Валериан Валентинович (“Берҙәм Рәсәй”), Хромец Артур Леонидович (“Берҙәм Рәсәй”), Ғәҙиев Тимур Лерун улы (“Берҙәм Рәсәй”), Хәзиғәлиев Артур Валерьевич (үҙен үҙе тәҡдим иткән), Зөбәйеров Айҙар Сабир улы (“Берҙәм Рәсәй”), Романов Николай Вальтерович (КПРФ), Фәйзрахманов Илдар Радик улы (үҙен үҙе тәҡдим иткән), Остапчук Эдуард Владимирович (“Берҙәм Рәсәй”), Якин Вячеслав Гурьевич (“Берҙәм Рәсәй”), Марач Иосиф Михайлович (үҙен үҙе тәҡдим иткән), Дегтев Александр Анатольевич (“Йәшелдәр”), Борисов Андрей Евгеньевич (“Берҙәм Рәсәй”).

Берҙәм һайлау округы буйынса үткәндәр: Греков Сергей Николаевич (“Берҙәм Рәсәй”), Шаммазов Айрат Минһаж улы (“Берҙәм Рәсәй”), Сухарева Ирина Равильевна (“Берҙәм Рәсәй”), Егоров Андрей Владимирович (КПРФ), Шәйнуров Артур Альберт улы (КПРФ), Сухарев Иван Константинович (ЛДПР), Рудаков Юрий Аркадьевич (ЛДПР), Аҡсулпанова Эльза Тимербай ҡыҙы (“Берҙәм Рәсәй”), Слепнев Алексей Евгеньевич – (Берҙәм Рәсәй”), Дубовский Анатолий Николаевич (“Берҙәм Рәсәй”), Лютов Оскар Вячеславович (“Берҙәм Рәсәй”), Кинйәкәев Руслан Усман улы (“Берҙәм Рәсәй”), Тимеров Марат Әлтәф улы (“Берҙәм Рәсәй”), Силин Алексей Владимирович (“Берҙәм Рәсәй”), Мельников Александр Геннадьевич (“Берҙәм Рәсәй”), Зәйнуллин Руслан Флүр улы (ЛДПР), Чащевая Оксана Викторовна (“Берҙәм Рәсәй”), Муҡаев Рөстәм Илдар улы (“Берҙәм Рәсәй”).

Һайлау йомғаҡтары буйынса “Берҙәм Рәсәй” партияһы ҡала Советында 26 мандат, ЛДПР – өс мандат, КПРФ – өс мандат, “Йәшелдәр бер мандат алды. Шулай уҡ өс үҙен үҙе тәҡдим иткән кеше үтте.

Фото: Өфө ҡалаһы хакимиәте.