Алты районда яңы судьялар тәғәйенләнде

Рәсәй Президенты Владимир Путиндың 2022 йылдың 18 мартындағы “Федераль судтар судьяларын тәғәйенләү һәм Рәсәй Федерацияһы субъекттарының квалификациялы судьялар коллегияһында Рәсәй Федерацияһы Президенты вәкилдәре тураһында”ғы 127-се указына ярашлы, республиканың алты судында яңы судьялар эш башлаясаҡ.

Башҡортостандың Юғары суды хәбәр итеүенсә,  документҡа ярашлы алты йыл Краснокама район-ара суды рәйесе вазифаһын Рәмил Зиязтинов башҡарасаҡ. Иглин район-ара судына – Лиана Ғәликәева, Ҡырмыҫҡалы район-ара судына – Фәилә Ҡаһирова, Салауат район-ара судына – Алексей Рузанов, Өфөнөң Совет районы судына – Юлия Егорова, Өфө район судына Рөстәм Фәйезов судья итеп тәғәйенләнгән.

Фото: Башинформ