Улар хаҡлыҡ һағында

Бөгөн “Торатау” Конгресс-холында Башҡортостан Башлығы Радий Хәбиров республикала донъя юстицияһының 20 йыллығына арналған тантаналы сарала ҡатнашты. Төбәк етәксеһе социаль мәсьәләләрҙе көйләүҙә, Башҡортостанда йәшәүселәрҙең хоҡуҡтарын һәм азатлыҡтарын яҡлауҙа мировой судьяларҙың мөһим ролен билдәләне, шулай уҡ дәүләт наградаларын тапшырҙы.

– Бөгөн ошо залда булыуыма бик шатмын. Төбәк мировой судьялар институтын ойоштороуҙа ҡатнашҡан коллегаларымды күреү ҡыуаныслы. Һеҙҙе республиканың бөтә донъя юстицияһының 20 йыллығы менән ихлас ҡотлайым! – тине ул. – Был бөтә Башҡортостан халҡы өсөн мөһим дата. Меңдәрсә кешенең яҙмышы һеҙҙең компетентлыҡтан, ҡабул ителгән ҡарарҙарығыҙҙан тора. Күп кенә граждандар төрлө сәбәптәр арҡаһында бер тапҡыр булһа ла мировой суд тупһаһына аяҡ баҫты. Һуңғы өс йылда ғына 2 миллион эш буйынса ҡарар сығарылды. Һеҙ суд ҡарарҙарын процессуаль сроктарҙы боҙмайынса һәм юғары сифатлы итеп ҡабул итәһегеҙ.

Радий Хәбиров фекеренсә, бындай һөҙөмтәләргә судьяларҙың юғары профессионаллеге һәм мөһим эштәренә яуаплы ҡарашы сәбәпле өлгәшелә.

– Пандемия ҡыҙған осорҙа мировой судтар, уҙған йылдарға ҡарағанда күберәк эштәрҙе ҡарап, үҙ эшен туҡтатманы. Был – фиҙакәрлек һәм ҡыйыулыҡ. Шуның өсөн һеҙгә ҙур рәхмәт! – тине ул. – Мировой судьялар институтына республика етәкселеге тарафынан һәр ваҡыт ҙур иғтибар бүленде. Һеҙ хәтерләйһегеҙҙер, 2006 йылда илдә тәүгеләрҙән булып беҙ мировой судья ярҙамсыһы вазифаһын индерҙек. Шул уҡ йылда суд участкалары һаны бер юлы 32 берәмеккә – 183-тән 215-кә тиклем арттырылды. Шулай уҡ Башҡортостан беренсе булып мировой судьялар һәм суд приставтары араһында электрон документтар әйләнеше системаһын индерҙе, был суд ҡарарҙарын үтәү процесын ярайһы уҡ тиҙләтте.

Радий Фәрит улы белдереүенсә, бөгөн бөтә мировой судтарҙың да эше өсөн лайыҡлы биналар менән тәьмин ителмәгән. Шуға бәйле ул республика Хөкүмәтенә яңы суд участкаларында биналарҙы ремонтлау өсөн өҫтәмә аҡсалар бүлергә ҡушты.

– Башҡортостандың судьялар корпусы киләсәктә лә үҙенең алдында торған етди бурыстарҙы уңышлы хәл итер, тип ышанам. Һеҙгә ныҡлы һаулыҡ, именлек, республика һәм ил именлеге хаҡына яуаплы хеҙмәтегеҙҙә уңыштар теләйем! – тине ул.

Фото: Башҡортостан Башлығы сайты.