Кемдәргә бушлай юридик ярҙам күрһәтелер?

30 июндә, яҙғы сессияның һығымталар яһау кәңәшмәһендә, Башҡортостандың Дәүләт Йыйылыш – Ҡоролтайы беренсе уҡыуҙа “Башҡортостан Республикаһында бушлай юридик ярҙам тураһында”ғы республика законының 5-се һәм 8-се статьяларына үҙгәрештәр индереү тураһында”ғы закон проектын ҡараясаҡ.

Парламент рәйесе Константин Толкачевтың һүҙҙәренә ҡарағанда, үҙгәрештәр бушлай юридик ярҙамға хоҡуғы булған граждандарға ҡағыласаҡ. Улар - пенсия тәғәйенләнгәнгә тиклем биш йыл ҡалғандар, шулай уҡ йөклө ҡатындар һәм өс йәшкә тиклемге балалары булған ҡатындар. Дәүләт юридик бюроһы белгестәре күрһәткән хеҙмәт бюджет аҡсаһынан түләнәсәк.

Фото: gazetazp.ru