Радий Хәбиров барыһын да һәйбәт белеп тора

Кисә кис Башҡортостан Башлығы Радий Хәбировтың республика халҡы менән тура бәйләнеше булды. Быға ҡарата Дәүләт Йыйылышы – Ҡоролтай Рәйесе Константин Толкачев үҙенең фекерен белдерҙе.

– Тура бәйләнеш Башҡортостан халҡында ҙур ҡыҙыҡһыныу уятты. Ғәҙәттәгесә, төҙөкләндереү, юл төҙөлөшө, торлаҡ-коммуналь хужалыҡ, медицина хеҙмәтләндереүе, мәғарифҡа ҡағылышлы һорауҙар күп булды. Ләкин илдәге һәм донъялағы ағымдағы хәлгә бәйле бик күп яңы нәмәләр ҙә булды. Был, тәү сиратта, республиканың махсус хәрби операцияла ҡатнашыуы һәм мобилизация барышы.

Республика Башлығы республиканың ағымдағы тормошон тәрән белеүен һәм өҫтөнлөктәрҙе дөрөҫ бүлеү менән көнүҙәк проблемаларҙы хәл итеүгә стратегик ҡарашын күрһәтте. Республика үҙенең аҙыҡ-түлек хәүефһеҙлеген тәьмин итә. Газ үткәреү һәм ҡалаларҙы төҙөкләндереү өлкәһендә эҙмә-эҙлекле хәрәкәт бар, алданған өлөшсөләр проблемаһы яйлап хәл ителә, сүп-сар реформаһы тормошҡа ашырыла һәм, ҡатмарлы хәлгә ҡарамаҫтан, тотош республика үҙенең ышаныслы үҫешен күрһәтә. Шуның менән бергә тура бәйләнеш йәнә бер тапҡыр  ауыртҡан урындарҙы асыҡланы. Дәүләт Йыйылышы ҡануниәткә тейешле анализ яһай һәм уға реакция, һис шикһеҙ, буласаҡ, – тине ул.

 Фото: "Башинформ".