Утыҙ йыллыҡ тарихы бар

18 ноябрҙә Андрей Назаров Башҡортостан Арбитраж судының 30 йыллыҡ юбилейына арналған тантаналы сарала ҡатнашты һәм “Башҡортостан Республикаһының атҡаҙанған юрисы” исеме менән наградланы.

Премьер-министр Андрей Назаров республиканың Арбитраж суды коллективын, отставкалағы почетлы судьяларҙы һәм ветерандарҙы Башҡортостан Башлығы Радий Хәбиров исеменән ҡотланы, илдәге арбитраж үҫеше тарихына туҡталды.

Үткән быуаттың 90-сы йылдарында Рәсәй Федерацияһының Арбитраж кодексы ҡабул ителә. Юғары Арбитраж суд үҙ эшен башлай, һуңғараҡ, 1992 йылдан, Рәсәйҙәге барлыҡ төбәктәрендәге судтар.

- Тап шул осорҙа хоҡуҡ баҙар иҡтисадына ла килә. Арбитраж суд, бер ниндәй арттырыуһыҙ, ирек килешеүен раҫлағанда формалашҡан иҡтисади мөнәсәбәттәрҙең нигеҙе булараҡ төп ролдәрҙең береһен уйнай, - тине Андрей Назаров. – Арбитраж судтың Рәсәйҙә шәхси милек институтының барлыҡҡа килеүе менән тиккә генә бәйле түгел. Бер яҡтан, иҡтисади ҡыҙыҡһыныуҙар системаһы барлыҡҡа килһә, икенсенән, дәүләт милкенә һөҙөмтәле идара итеү ихтыяжы килеп сыға.

Премьер-министр Арбитраж судтың үҙенсәлекле иҡтисади көйләүсе икәнлеген билдәләне. Иҡтисади мөнәсәбәттәрҙең ҡатмарлашыуы, үҫеше менән арбитражға ла көсөргәнеш арта. Мәҫәлән, 20 йыл элек бер судьяға 48 эш тура килһә, хәҙер – 140 тирәһе.

- Ҡатмарлы юл үтеп, ҙур тәжрибә туплап, Башҡортостандың Арбитраж суды иҡтисади хоҡуҡтың ирекле һәм юғары һөҙөмтәле системаһына әүерелде, - тине Андрей Назаров.

Башҡортостан Хөкүмәте Премьер-министры Андрей Назаров Арбитраж судтың үҫешендә һәм камиллашыуында Башҡортостан арбитраж судының беренсе рәйесе Вил Харис улы Шәйхетдиновтың, Фәнил Мәсғүт улы Сафиндың, Игорь Геннадьевич Арсеновтың эшен баһалап үтте.

Фото:  рravitelstvorb.ru