Кемдәр ер участкаһын бушлай рәсмиләштерә аласаҡ?

Башҡортостанда йәшәүселәр өйө урынлашҡан ерҙе шәхси милкенә бушлай алыу хоҡуғына эйә. Бындай закон проектын Башҡортостандың Дәүләт Йыйылышы – Ҡоролтай ғинуар аҙағында беренсе уҡыуҙа ҡабул итергә уйлай.

Хосусилаштырыуға 1998 йылдың 14 майына тиклем төҙөлгән ер участкалары тәҡдим ителә. Был хоҡуҡ иһә түбәндәге документтар менән раҫлана:

* Йортта 1998 йылдың 14 майына тиклем даими йәшәүҙе йәки торлаҡты ошо ваҡытҡа тиклем төҙөүҙе раҫлаған дәлилдәр;

* 1998 йылдың 14 майына тиклем торлаҡ йортто төҙөүгә йәки уны файҙаланыуға рөхсәт документының алыныуы.

Ер участкаһын хосусилаштырыу хоҡуғынан 2031 йылдың 1 мартына тиклем файҙаланырға мөмкин буласаҡ.

Белгестәрҙең хәбәр итеүенсә, был осраҡта милек өсөн һалым түләү ҡаҙнаны тулыландырыуға булышлыҡ итә, милексегә айырым осраҡтарҙа үҙ милкен раҫлау өсөн аныҡ дәлилдәр була.

Фото:  pro-dachnikov.com