Паспортығыҙҙы бирә күрмәгеҙ

“Самокатты прокатҡа алып торорға теләгәйнем, минән паспортымды ҡалдырыуҙы һоранылар. Был законлымы?

Фәнис.

Стәрлетамаҡ ҡалаһы”.

- Ҡануниәткә ярашлы, паспортты залог урынына файҙаланырға ярамай. Өҫтәүенә прокатҡа биреп торған ойошмаларҙың һеҙҙең документығыҙ өсөн бер ниндәй яуаплылығы юҡ. Хоҡуҡ нормаларына ҡарағанда, залог – ул йөкләмә, бурыс. Был – залог һатыла һәм уның иҫәбенә сығымды компенсациялау тигән һүҙ. Ә паспорт иһә был категорияға ҡарамай. Уны ҡалдырып торорға тигән талап – административ хоҡуҡ боҙоу. Уның өсөн штраф ҡаралған.

Фото: bav-eot.livejournal.com