Бюллетендәр территориаль һайлау комиссияларына ебәрелгән

Республиканың Үҙәк һайлау комиссияһы ҡарарына ярашлы, берҙәм республика һайлау округы һәм бер мандатлы һайлау округтары буйынса Башҡортостан Республикаһының етенсе саҡырылыш Дәүләт Йыйылышы – Ҡоролтайға депутаттар һайлауҙа тауыш биреү өсөн – 2 миллион 670 мең 400 дана, шул иҫәптән һайлау бюллетендәрен эшкәртеү комплекстарын файҙаланып тауыш биреү өсөн 342 мең дана бюллетень әҙерләнгән. Уны "Белая река" предприятиеһы баҫҡан.

Территориаль һайлау комиссиялары ғризалары буйынса бюллетендәрҙең бер өлөшө рус/башҡорт һәм рус/татар телдәрендә баҫылған – 360 350 һәм 174 050 дана.

Фото: БСТ яҙмаһынан скриншот.