Рәсәй Президентын һайлау көнө билдәле

Федерация Советы Президент һайлауын 2024 йылдың 17 мартына тәғәйенләгән, палата бер тауыштан ҡарарҙы раҫлаған.

“Рәсәй Федерацияһы президентын һайлауҙы 2024 йылдың 17 мартына тәғәйенләргә. Был ҡарар рәсми баҫылған көндән көсөнә инә”, — тиелә документта.

Конституция буйынса дәүләт башлығын һайлау Федерация Советының айырым вәкәләттәренә ҡарай.

Палата спикеры Валентина Матвиенко белдереүенсә, был ҡарар менән һайлау алды кампанияһына старт бирелә. Ул алдағы һайлау — мөһим сәйәси ваҡиға, ул күп йәһәттән Рәсәйҙең үҫеш йүнәлешен билдәләйәсәк, тип билдәләне.

Фото: vk.com/erbashkortostan.